Ram Chung vialte ah tintan kai nak Sianginn a tha bik mi laksawng cu Luan Dim LCCI Sianginn nih a voihnih nak a lak tthan.Kalaymyo,ah ummi Luan Dim LCCI tintan Sianginn hi 2018 kum caah Kawlram pumpi LCCI Tintan Sianginn a tha bik laksawng cu a lak kawh a voihnih nak a lak kawh tthan.
Mah laksawng pek nak puai cu July/27 /19 nizing ah Yangon Myo,Sule Shangri-la hotel ah an tuah.mah laksawng hi UK ah ummi Pearson le British Council hna nib an pek mi hna si I mah LCCI tintan kai nak Sianginn hi Kawlram chungah (160) a um mi chungah Sianginn (16) nih mah laksawng hi an co cio.
Luan Dim LCCI tintan sianginn I a lubik(Hruaitu)cu Saya Sing Pi nih Tintan kai mi milu zat/Caminpuai Awng ning le tintan Sianginn le zinglei I pehtlaih nak pawl hna le a dangdang zoh chih in an thim mi si.hi bantuk laksawng kawh nak hnga thla kan cam mi si.a luancia kum ah khan kan tintan kai mi Chung in vawleicung ah pakhat laksawng le pahnih laksawng zong a la mi an um.tukum ah hi bantuk laksawng kan hmuh nak nih hin ka Sianginn caah thancho nak a chuah pi lai.cun kan mah kan I zuam nak le thazang kan chuah mi zong an kan theih pi caah hin ka lawn Khun tiah Sing Pi nih chim.
Luan Dim LCCI tintan Sianginn an thawk nak hi kum(10) si cang I Chin ram thlanglei/Tamu/Kalaywa/Kantkaw lei in mino pawl an rak kai hna.tu ahcun Falam/Tidim/Tonzang le Yangon khua hna zong ah an tthen cheu hna i an kai cang.
2017 kum caah Kawlram chaklei ah a tha bik mi tintan Sianginn laksawng cu 2018 kum ah khan a rak co.
Luan Dim LCCI nih an dirh mi Yangon tintan kai nak sianginn Lutlai tu Ma Chung Ni cu 2016 kum LCCI level (3) ah (world Gold Medal) ah pakhat nak laksawng a rak co bel.
