Uncategorized

Judson siangbawipa le nupi Ann Judson siangbawinu Kawlram an phaknak kong

Kawlram khrihfa a tawk nak cu american in an rak thlahmi Judson siangbawite nupa nih an thawk mi a si.Judsonte an phak hlanah India in Willliam Carey fapa Felix Carey le Charter an rak phan cang nain an i ruah ning bantuk in an hlawh a tling lo.cun Felix te an phak hlanpi in Katholic(RCM)siangbawi an rak phanfawn cang nain saduhthah ningin an hlawh a tlin lo.a tu lioah Katholic 500000 tluk kwlram chungah an um i an karh ngai ve.an i hruaining cu miphun hoih in an kal lo.Regional timi a peng le ram tthen hoih in an kal i an rak tha ngai.an riantuanning zong an felfai i Myanmar Council of Churches(MCC) he zong Christmas tuah tti in zumhnak kongah biaruahnak an ngei lengmang.Judson le a nupi cu India ram an phan hmasa nain ruah lo piin British cozah nih umnak nawl an pe hna lo tikah William Carey nih ruahnak a cheuh hna ningin kawlram leiah an i mer.

Judson cu kum1788 ah American ram Massachusetts ah a chuak.a pa cu Congregation khrihfabu Pastor a si.a no lioah ca a thiam tuk i kum16 ah tanghra a awng.Brown University ah a kai i kum3 chungah a thiam bik in a wng.a hnuah pathian dawtnak kha a hnug theih tikah Baibal sianginn a kai i BD kha a thiam bikin a awngfawn.Judson hi Baibal sianginn a kai lio in Asia ram chungah Mission riantuan duhnak a rak ngei cang.a bikin Claudius Buchanan nih a tial mi”Nichuaklei Arfi” timi sermon cauk a reknak le William Carey nih India ah Mission rian a tuan nakniha lung thawh terkhun.Judson cu Nancy ti zongah an auhmi Ann kha a tthit.a nupi Ann,Judson,an hawile Samuel le Harriet Newell,LutherRice he kum1812/February/12 ni ah Caravan tilawng in Americanram Salem khua in an pawk i thilchia tilet ttihnung tampi lakah thla li an ruah hnu1812/June/17 ah India ram Kalkatta khua an phan.mirang ram England in an rak thlahmi siangbawi William Carey le a hawile nih an rak don hnai lunglawm hnangam tein India ram an lut.rili cung an kal lioah Baibal a rel lengmang i hngakchia tipil innak a hmaan lo,tiah a ruah caah Congregation khrihfabu in Baptist ah an i thleng i India an phak tikah William Carey hawipa Rev,Ward nih an nupa in tipil a pek hna.lunglawmnak in India an phan nain an riantuannak ah an ruah bel lo mi thawng chia pakhat an theih.     ( ka rak peh than te lai…..)

“Careltu nan cungah kalawm bawipanih thluachuah inpek ko hna seh..Amen…”

Leave a Reply

Your email address will not be published. Required fields are marked *