Uncategorized

Baibal lei thiamsang Ausgustine tuanbia tawi

Augustine cu Afarica chaklei i ummi Tagaste khua ah Rom ralbawi chungkhar hna nih AD354 ah an rak hrin mi a si.a nu min hi Monica a si i a nu nih hin Augustine caah hin a hmet lio tein pathian a theih kawh nakhnga thla a rak campiak lengmang ti a si.Augustine hi a hngakchiat lio tein mi luakchuak,mi nengthlaphun a rak si ve i sianginn a kai lio zongah a hawile nih an bemngh an hro,an tihram tuk tawn i sianginn tha tein dih loin ai phuak.

A kum tlawmpal a hung upat deuh ah khin Madaura le Carthage khua a vung kal i a biachim holhrel ning le fimnak a va cawng tawn.an rak umnak khua he ai hlat ngai caah zeihmanh ruat loin khua a sa.zudin saei, in a hun um i a ziaza a rawk ngaingai.AD372 ah khan adiadatus timi fapa kha in lak ah a hrin.cuticun a vakvai lengmang lioah cu AD384 kum ah Milan khua a hung phan.

Augustine cu khuaruahhar ngaiin a um lio ah nikhat cu Baibal cauk kha rel i Rom13:13-14 kha a hung phan.Rom cauk13:13-14 cu a rel dih ah thiang thlarau nih a nun ah bia a chim i a sualnak kha a van ihmu i a sualnak cu ngaihchiahnak he a nun ah a hungkhah tikah Jesuh khrih cu a zumh a cohlan colh i cuticun hrinthannak cu a co.nihin ni tiang Rom13:13-14 cuAaugustine hrinthannak Baibal cang kan ti tawn.

Augustine cu a hrinthan i tipil a ing caan rau lo teah a caah thla a rak campiak zungzal tu a nu monica nih cun a thih tak.Carthage khua a hung kir than i AD391 kum ah Pastor a tuan.AD396 kum ah Hippo khua ah khrihfabu uktu Senior a tuan than.cu caan thawk in a nun chung vialte AD430 tiang Pathiang rian a tuan pah in catial,caleh,carel thawngtha chim in athih tiang bak a caan a hman cang.

Leave a Reply

Your email address will not be published. Required fields are marked *