Uncategorized

Malaysia ah ISIS phu chungtel tiah lunghrinh mi minung(4) an tlaih hna i

Malaysia Kuala Lampur khua cheukhat ah thahnawn nak le hrawhhralh ding a tim tiah an lunghrinh mi hna minung(4)cu Malaysia palek nih an tlaih hna tiah May/13/19 ni ah a tlaih tu hna palek nih an chim.

An lunghrinh mi hna minung (4) chungah (2) cu Rohingya an si.minung(2) hi pakhat cu an mah Malaysia ram mi si I a dang pakhat hi Indonesia ram mi si tiah palek Abdul Hamid Bador nih thawngzamh nak ah chim.

2016/January thla lio ah Isis pawl nih Malaysia le Indonesia hna ah thahnawn nak an rak tuah bel.Wolf Pack sale tiah min bunh mi tupung pawl cu kan hnu kum November thla ah Hindu biakinn pakhat chungah thil cang mi an buainak ruangah Meithat riantuan mi Muslim a thi caah lehrulh kan cham nak ding caah hmun tampi ah thah nawnnak an tuah kawh tiah palek bawi nih cun chim chih.

Mah meithattu pa thih nak ruangah Malaysia ram ahvtambik simi Muslim pawl cu an I cenat lo I miphun thlaidan nak tiin Hindu upa hruaitu pawl kutneh si an ti.

Kum(20) si mi Rohingya Bangali Waiter tuan mi pakhat cu ARSA hriamtlai phun thapetu pakhat si nak Kong le ARSA phun I Myanmar Rakhine ram chungah thahnawn tampi an tuah tiah palek bawi nih cun chim.mah pa rak chungah cunUNHCR card zong an hmuh chih.

Mah minung(4) an tlaih hna lio ahcun meithal pakhat le a puak kho mi bomb 6 cu palek nih an rak cungah an lak chih.

 

Leave a Reply

Your email address will not be published. Required fields are marked *